اليوم كذبة نيسان .. تعالوا سوة اشوفكم شسويت !!

هلاااااااااااا بحبايب قلبي
والله مشتاقتلكم موت موت موت
المهم معلينا من هاي
تعالوا اكَوللكم شسويت اليوم بما انه كذبة نيسان
اني لازم بكل حدث اسمي موجود
شسوي هادئة مو بأيدي هههههههه

فكرة المقلب :
اروح للمدرسة ايدي مضمدتها وحاطه عليها مكركروم << هذا المعقم اللي لونة احمر
وعلساس انه وكعت على زجاج مكسوووور ودخل بأيدي من جنت داالعب وية صديقتي طوبة وعثرت ووكعت على الزجاج

تنفيذ المقلب :
جتي الصبح شوشو يلاااا اسل تعالي اسويلج اياها ضمدتلي ايدي وحطتلي عليها المكركروم ولفتها برقبتي
وجتي حطتلي سواد جوة عيني << مع انه نايمة ساعة 3 بالليل ومصاير سواد وممبين تعبانة << كله لان داخبث كعدت نشيطة وفرحانة
هاي صورة ايدي وشلون ضمدتها شوشو

[عزيزي الزائر يتوجب عليك التسجيل للمشاهدة الرابطللتسجيل اضغط هنا]



ردود الافعال :
احجيلكم من اول ماصعدت الباص
البنات عاااااااااا اسل شبيج
واني الة شوية واطكَ الضحكة بس عرفت امثل الحمد لله
كَلتلهم السالفة هيج وهيج مشت عليهم وسلامات وليش جاية المدرسة << نزلت الشطارة شسوي

المدير يمة شكَد حبوب هههههههه .. شافني
جان يكَولي .. اسولة حبيبتي شبيج سلامتج
كَتلة استاذ وكَعت على الكزاز << الكزاز يعني الزجاج

داامشي اصعد لصفي الكل صافن وسلامات سلامات

دااصعد الدرج جان انزل رآسي لان راح اشوف وحدة من المشرفات
علمود مااضحك يعني

صعدت جان المشرفة الحبوبة تكَولي اسووولة سلااااااااامتش ايش اللي حصل فيييش
كَتلها استاذة السالف هيج وهيج وكلش انقهرت
جان صديقتي بصف ثالث متوسط عاااااااااطت اسووووووووووولة ايش اللي حصــــــــــــل
واستاذة الانجليزي يبووووووو اكثر وحدة انقهرت تكلي مالش ايش اللي حصل << اول مرة متحجي انكليزي وياية
كَتلها استاذة السالفة هيجي وهيج .. انقهرت انقهرت انقهرت .. بحيث اني انقهرت عليها

خلصت من ذولة ودخلت لصفي
صديقتي << علساس زعلانة مني وانتهت علاقتي بيها بس شافتني انكَلب وجها
وحياتي شبيج وتعالي كَعدي وليش داومتي انطيج مفاتيح البيت ترتاحين وخلي يأجلولج الامتحان
كتلها لا اني عندي امتحان مأجل ومالي خلق يصيرون اثنين
والكل سلامات سلامات
دخلت البنية اللي متفقة وياها على المقلب جان تفطس ضحك
بس همزين باللحظة الحرجة كَالتلي ولج هاي شصاير بيج مو تركتج ومابيج شي
طبعا صفنت عليها كتلها اي ابد مابية شي عابت وانطيتها الكفخة طبعاً هههههه

وخطية كلشي يصير اكوللها ايات سطريلي دفتري ايات اذا حلج غلط معناتها حلي غلط معناتها تصلحين بدفترج وبدفتري وايات سويلي الحجاب ايات طلعيلي الدفاتر هههههههههههههه خبلتهااااا مع انه اني متفقة وياها ع المقلب

اجة الامتحان
جان اكوللها ايات سطريلي الورقة
سطرتها ورتبتها .. بديت احل فبعد مااكدر اكوللها سطريلي
جان اكَول هئ هسة منو يسطرلي الورقة
جان الاستاذة تكول هاتي حبيبتي انا بسطرلك والله جد هههههههههههه
وسطرتلي الورقة

طبعاً المقلب مشة على 3 ارباع المدرسة اللي اعرفهم واللي مااعرفهم

بآخر حصة وهي بحصة الانجليزي فكيت الضماد جان الاستاذة شافتني وكامت تكمز ههههههههههههههه جان تكولي والله حراااااااااام عليكي شوفي بنات ثالث متوسط ايش صار فيهم
كلتلها تعيشون وتاكلون غيرها .. اما المشرفة ضربتني بالعودة << بالعصا ههههه .. وصديقتي الزعلانة علساس طشت مي علية كالتلي علمود بعد متجذبين وجان المي بارد بقيت اكمز
والبنات دك كفخ عااااااااااااا بحيث رجعت خربانة ضحك ومكتولة

يلا كافي حجيت هواية تعبت
كانت معكم من موقع الحدث ..
أسل

اسوله هههههههههه حرام عليك..

بس والله انتي سنعه يعني ماضحكتي..

مشيتيها عليهم..

ههههههههههههه..

هههههههههههههههههههههههه اسل والله مشيتيها
على الكل خطيرة

هههههههههههههههههههههه حلوه هاي الكذبهـ من صدك .. عاشت ايدج عالمقلبــ ..... تحياتي

يبوووووووووووووووووووو
شوووووووو هذا شعاملة فيهم يابنت
ينراد لكي عودة رمان هع هع هيييييييييييييييييييييع
يعمي الله يساعدهم عليج
ياااااابة المقلب يخبل اسولتي

اووووووف منج اسوله شكد وكيحه ههههههه

هههههههههههههههههههه رهيييبةانتي

اني جنت اخرب ضحك ما اتحمل